Kênh Telegram "Вясна / Правы чалавека ў Беларусі"

Вясна / Правы чалавека ў Беларусі

Public

Chú ý : Điều quan trọng là phải tự nghiên cứu trước khi tin tưởng vào bất kỳ thông tin nào, đặc biệt nếu có yêu cầu liên quan đến tiền bạc.

Không thể tham gia? @viasna96

9.5k Thành viên

Cập nhật: March 8, 2026 at 8:18 PM

Вясна / Правы чалавека ў Беларусі

Тэлеграм-канал Праваабарончага цэнтру «Вясна». Актуальныя навіны ў галіне правоў чалавека ў Беларусі. Пра затрыманні пісаць на @viasna_bot, для кансультацый - @ViasnaSOS. Сувязь з інфармацыйнай службай: @Viasnainfo Юрыдычная служба: @zvarot96

Follow @viasna96 to stay updated with the latest viasna_bot and zvarot96 trends and news

Xếp hạng

Xếp hạng toàn cầu

#14268

-3

Xếp hạng ngôn ngữ

#64Không thay đổi

Xếp hạng danh mục

#511Không thay đổi

Tăng trưởng người đăng ký (Trong 29 ngày qua)

Tổng cộng: 9.5K

Tăng trưởng 24 giờ: -6 0%

Bài đăng gần đây

Вясна / Правы чалавека ў Беларусі

12:05 12 thg 3, 2026

📷 Photo

🔗Шукаем людзей, якія ў апошні час вызваліліся з Аршанскай калоніі ПК-8

Калі гэта вы ці ваш блізкі чалавек, калі ласка, напішыце на https://t.me/Viasnainfo

🌿У мэтах бяспекі, вы можаце перадаць такую інфармацыю праз знаёмых, што знаходзяцца за мяжой

1,560

Вясна / Правы чалавека ў Беларусі

12:05 12 thg 3, 2026

📷 Photo

У «спіс тэрарыстаў» дадалі 19-гадовага беларуса

Камітэт дзяржаўнай бяспекі абнавіў спіс «асоб, якія маюць дачыненне да тэрарыстычнай дзейнасці» — там з'явілася прозвішча яшчэ аднаго чалавека.

Гэта 19-гадовы https://prisoners.spring96.org/be/person/uladzislau-varonin, які быў асуджаны паводле 10 артыкулаў Крымінальнага кодэксу. Раней МУС і КДБ сцвярджалі, што Уладзіслаў мае дачыненне да «экстрэмісцкім фармаванняў» «Перт» і «ДУХ РУСИ».

Цяпер у «тэрарыстычным спісе» 1425 чалавек, з іх 680 — беларусы.

https://spring96.org/be/news/110678

1,560

Вясна / Правы чалавека ў Беларусі

12:05 12 thg 3, 2026

📷 Photo

Як палітвязень атрымаў дзевяць сутак ШІЗА за відэазванок з дзяўчынай

Падчас відэаразмоваў вязняў са сваякамі ім дазволена камунікаваць толькі з тымі блізкімі асобамі, якія ўнесены ў адпаведны спіс. Аднойчы, https://prisoners.spring96.org/be/person/uladzislau-jacenka размаўляў з маці, пасля чаго яна на хвіліну перадала тэлефон дзяўчыне хлопца, якая не была ў спісе. Гэта заўважылі супрацоўнікі і выпісалі палітвязню чарговае парушэнне і адправілі ў ШІЗА на чацвёра сутак.

«Пасля гэтых сутак мне адразу накінулі яшчэ пяць. Калі паспартаваўся, зняў кліф і ў ракавіне мыў падпашкі. Тады адразу прыбег супрацоўнік і спытаў, чаму я апрануты не па форме. За гэта выпісалі парушэнне і пакінулі ў ШІЗА. Па факце мыцца там нельга. Толькі раз на тыдзень цябе водзяць у лазню».

https://spring96.org/be/news/119783

1,530

Вясна / Правы чалавека ў Беларусі

12:05 12 thg 3, 2026

📷 Photo

«Вядома, ніякай рэабілітацыі нацызму не было» — Кацярына Ваданосава пракаментавала распачатую ў дачыненні да яе крымінальную справу

Сёння стала вядома, што супраць блогеркі Кацярыны Ваданосавай крымінальную справу за «рэабілітацыю нацызму». Нагодай для пераследу стала відэалекцыя «Галоўны міф Другой сусветнай — забойства гаўляйтара Вільгельма Кубэ. Што не так?».

Жанчына катэгарычна не згодная з абвінавачаннямі пракуратуры, https://baj.media/be/kacjaryna-vadanosava-kubje-tabu/ БАЖ:

«Вядома, ніякай рэабілітацыі нацызму не было. Ёсць курс адукацыйных лекцый, як яны выказаліся, “падкасты”. Мы на “Будзьме” спрабуем падысці да любой гістарычнай тэмы ўсебакова і як мага больш аб’ектыўна. І гераізацыі Вільгельма Кубэ я не праводзіла!

Проста зараз усё, што закранае тэмы Другой сусветнай ці Вялікай Айчыннай вайны, калі гэта не афіцыйнае славаслоўе, можа падпасці пад такі самы крымінальны артыкул. Гэтая тэма ў Беларусі зараз настолькі табуяваная, што любыя спробы гістарычнага аналізу расцэньваюцца як злачынства».

Вясна / Правы чалавека ў Беларусі

12:05 12 thg 3, 2026

📷 Photo

За каментары ў інтэрнэце мужчыну асудзілі завочна да 6 гадоў калоніі

У Брэсцкім абласным судзе 10 сакавіка вынеслі чарговы завочны прысуд паводле палітычных матываў. 40-гадовага Дзмітрыя Баніту асудзілі за каментары, якія кваліфікавалі паводле пяці артыкулаў Крымінальнага кодэкса.

Мужчыну прызналі вінаватым у «распальванні іншай сацыяльнай варожасці» (ч.1 арт. 130 КК), «абразе прадстаўніка ўлады» (арт. 369 КК), «паклёпе» (арт. 188 КК), «пагрозе гвалту ў дачыненні да супрацоўніка» (арт. 364 КК), «распаўсюдзе інфармацыі аб прыватным жыцці ды персанальных даных» (арт. 203-1 КК). У выніку Дзмітрыю завочна прызначылі шэсць гадоў калоніі ва ўмовах узмоцненага рэжыму са штрафам у памеры 1 000 базавых велічынь (45 000 рублёў).

Акрамя гэтага, яго пазбавілі вайсковага звання «малодшы сяржант запасу».

Чытаць па спасылцы 👉 https://spring96.org/be/news/119791

1,590

Вясна / Правы чалавека ў Беларусі

12:05 12 thg 3, 2026

📷 Photo

«Пабачыла, у якой насамрэч паліцэйскай дзяржаве мы знаходзімся» — былая палітзняволеная

Былая палітзняволеная распавядае, як турэмны досвед прымусіў яе зразумець, у якой сістэме жывуць беларусы.

«Мяне вельмі здзівіла, што ў бібліятэках жодзінскай турмы і гомельскай калоніі ёсць кніга "Архіпелаг Гулаг". У ёй апісвалася ўсё гэтае жыццё, якое мы ўбачылі пазней на свае вочы. Усё, вядома, у меншай ступені, але сутнасць застаецца тая ж самая.

У калоніі я ўбачыла, што яна з'яўляецца праекцыяй нашай беларускай дзяржавы. Гэта было жахліва. Пісьменніца Людміла Уліцкая прыйшла да высновы, што калонія адлюстроўвае сутнасць дзяржавы. Я таксама прышла да гэтай думкі і ўбачыла, у якой насамрэч паліцэйскай дзяржаве мы знаходзімся.

Мяне не часта выклікалі да начальніка атрада ці аператыўнікаў — я з імі асабліва не кантактавала. Але, калі мяне аднойчы выклікалі, я ім наўпрост сказала, што знаходжуся ў іх у палоне».

https://spring96.org/be/news/119766

1,560

Вясна / Правы чалавека ў Беларусі

12:05 12 thg 3, 2026

Беларуска зацяжарыла ў калоніі пасля спаткання з мужам — турэмныя лекары казалі ёй, што яна «100% не цяжарная»

Беларуска Карына правяла ў зняволенні 1 год і 2 месяцы. 13 снежня яе разам з групай палітвязняў прымусова вывезлі з Беларусі. Ужо пасля вызвалення высветлілася, што ўвесь гэты час жанчына была цяжарная. Цяпер яна на пятым месяцы і чакае сына, піша https://t.me/pinkscarvesbelarus.

Увосень 2025 года ў дзяўчыны было спатканне з мужам. Праз месяц пасля спаткання з мужам Карына звярнулася да гінеколага ў СІЗА. Яе турбавалі моцныя болі ў грудзях і цягнучыя адчуванні ўнізе жывата. Тэст на цяжарнасць ёй не далі, але адправілі на УГД.

«Лекарка доўга глядзела і сказала, што па фалікуле бачна: месячныя пачнуцца літаральна праз пару дзён. Яна сказала, што я на сто працэнтаў не цяжарная і ўсё гэта з-за стрэсу».

Толькі пасля вызвалення, у Германіі, тэст на цяжарнасць паказаў дзве палоскі, і аказалася, што яна ўжо на другім трыместры.

Карына прызнаецца, што спачатку вельмі спужалася — бо ў калоніі было шмат нагрузак: на інвентарных працах яна цягала камяні, насіла цяжкія торбы, хварэла на грып і бранхіт, прымала лекі, якія цяжарным нельга. Але лекары кажуць, што з дзіцёнкам усё добра.

1,590

Вясна / Правы чалавека ў Беларусі

12:05 12 thg 3, 2026

📷 Photo

Генпракуратура распачала крымінальную справу на 39-гадовую мінчанку за «рэабілітацыю нацызму» на YouTube

Паводле матэрыялаў справы жанчына, знаходзячыся за межамі Беларусі, «на сістэмнай аснове вырабляла і размяшчала відэаролікі ў форме асветніцкіх лекцый. У іх яна маніпулявала асобнымі фактамі з гісторыі краіны. Пры гэтым, будучы вядучай падкастаў, яна пазыцыянавала сябе як кампэтэнтная асоба, якая мае веды па ўказаным гістарычным пэрыядзе».

Пракуроры знайшлі ў яе відэа «выдумкі, у якіх падазраваная гераізавала нацысцкіх злачынцаў і іх памагатых, уключаючы прадстаўнікоў нацыяналістычных калабарацыянісцкіх фармаванняў, наўмысна ўслаўляла іх, а таксама здзейсненыя імі злачынствы супраць мірнага насельніцтва БССР». Таксама яна нібыта ўсхваляла Вільгельма Кубэ.

Паведамляецца, што жанчына мае падвойнае прозвішча.

UPD. Паводле https://t.me/nashaniva, гаворка пра Кацярыну Ваданосаву.

Вясна / Правы чалавека ў Беларусі

12:05 12 thg 3, 2026

📷 Photo

🗣«Выгнанне — не канец пераследу»: праваабаронца «Вясны» выступіла ў Жэневе

9 сакавіка ў Жэневе прайшоў сайд-івэнт з назвай «Выгнанне не з'яўляецца абаронай: аднаўленне прававых, інстытуцыйных і сацыяльных механізмаў абароны правоў праваабаронцаў у выгнанні». Сярод выступоўцаў была і праваабаронца ПЦ «Вясна» Наталля Сацункевіч, што працуе ў выгнанні.

Нягледзячы на поўную зачыстку публічнага і праваабарончага поля ўнутры краіны, «Вясна» працягвае дакументаваць парушэнні і падтрымліваць палітвязняў, падкрэсліла Наталля Сацункевіч. Аднак існуе прафесійны выклік: як працаваць, калі камунікацыя з пацярпелымі ўнутры краіны крыміналізаваная і можа каштаваць ім гадоў турмы?

«Наша ўстойлівасць у выгнанні – гэта залог таго, што злачынствы рэжыму ў Беларусі будуць задакументаваныя, а вінаватыя панясуць адказнасць».

Чытаць па спасылцы 👉 https://spring96.org/be/news/119789

https://storage.googleapis.com/spring96/read.html?page=/be/news/119789

1,570

Вясна / Правы чалавека ў Беларусі

12:05 12 thg 3, 2026

📷 Photo

📝Нагадваем кантакты Праваабарончага цэнтру «Вясна»

🔹Паведаміць пра затрыманне праз Telegram-бот https://t.me/viasna_bot
🔹Атрымаць кансультацыю і дапамогу: https://t.me/ViasnaSOS, https://t.me/SOSViasna;
🔹Звярнуцца па дапамогу па юрыдычных пытаннях, абскардзіць дзеянні дзяржаўных органаў: https://t.me/zvarot96 | [email protected];
🔹Калі вы пацярпелі ад катаванняў з боку сілавікоў ці сутыкнуліся з жорсткім абыходжаннем за кратамі: https://t.me/ViasnaDOC | [email protected];
🔹Распавесці сваю гісторыю журналістам «Вясны»: https://t.me/Viasnainfo | [email protected].

📍Кантакты рэгіянальных прадстаўніцтваў «Вясны»: Бабруйск — https://t.me/babrujskspring; Барысаў — https://t.me/Spring_help_r; Брэст — https://t.me/Nadbuzanski, https://t.me/BrestSOS; Гомель — https://t.me/homelspring; Магілёў — https://t.me/maydayhelp, https://t.me/mspring_help; Маладэчна — https://t.me/Maladecza_help; Наваполацк — https://t.me/impaynes; Віцебск — https://t.me/Viciebsk_spring; Светлагорск — https://t.me/svietlahorskspring

❗️Афіцыйныя кантакты ПЦ «Вясна» можна паглядзець у апісанні ці на старонцы https://spring96.org/be/news/44681 на http://spring96.org/

https://spring96.org/be/news/112635

Вясна / Правы чалавека ў Беларусі

21:09 10 thg 3, 2026

📷 Photo

🗣Паведамляйце праваабаронцам пра сваіх родных, якія ўтрымліваюцца за кратамі па палітычных матывах

Па стане на сёння ў Беларусі прызнаныя палітычнымі вязнямі каля https://prisoners.spring96.org/, агулам жа праваабаронцам вядома пра больш за https://spring96.org/be/news/99638 крымінальных палітычных справаў з 2020-га году. Відавочна, што гэта далёка не ўсе людзі, якія сутыкнуліся з палітычным пераследам у Беларусі за апошнія гады.

❗️Калі нехта з вашых блізкіх ці знаёмых апынуўся за кратамі, але пра іх лёс нічога невядома праваабаронцам, калі ласка, паведамляйце пра гэта «Вясне»: https://t.me/ViasnaSOS, https://t.me/Viasnainfo

📱У мэтах бяспекі, вы можаце перадаць такую інфармацыю праз знаёмых, што знаходзяцца за мяжой.

✍️Дапамажыце зафіксаваць усе факты рэпрэсій, каб паказаць свету маштаб катастрофы з правамі чалавека ў Беларусі!

Вясна / Правы чалавека ў Беларусі

21:09 10 thg 3, 2026

🎥 Video

У Слоніме сілавікі ціснуць на сям'ю за лайк у «Аднакласніках» у 2016 годзе

Па словах мужчыны, 5 сакавіка яго жонку без позвы выклікалі ў Следчы камітэт. Там ёй задавалі пытанні аб публікацыі, пагражалі і папярэджвалі аб магчымых праблемах на працы, а таксама аб рызыцы пазбаўлення сям'і прыёмных дзяцей.

Характэрна, што следчы, які праводзіў допыт, старанна хаваў сваё прозвішча, піша https://t.me/Grodno_grab.

1,380

Вясна / Правы чалавека ў Беларусі

21:09 10 thg 3, 2026

📷 Photo

Спецпрадстаўнік Трампа Джон Коўл прыедзе ў Мінск на наступным тыдні

«На наступным тыдні Літву наведае спецыяльны пасланнік ЗША ў Беларусі Джон Коўл. Коўл прыбудзе ў Вільню 18 сакавіка, пасля чаго адправіцца ў Мінск», — піша https://t.me/nashaniva са спасылкай на літоўскі партал Delfi.

Усе мінулыя прыезды Коўла суправаджаліся вызваленнем палітвязняў.

1,420

Вясна / Правы чалавека ў Беларусі

21:09 10 thg 3, 2026

📷 Photo

Міліцыянты наведалі 8 сакавіка маці экс-палітзняволенага журналіста Вячаслава Лазарава

Увечары 8 сакавіка двое міліцыянтаў з крымінальна-выканаўчай інспекцыі прыйшлі да маці былога палітвязня https://prisoners.spring96.org/be/person/vjaczaslau-lazarau, піша https://t.me/vicspring.

Жанчына ў адказ здзівілася, чаму супрацоўнікі МУС не ведаюць, што ён быў датэрмінова вызвалены з калоніі і прымусова вывезены ў Літву ў верасні мінулага года.

Сталага ўзросту жанчына была настолькі ў разгубленым стане, што нават не запомніла прозвішчаў і званняў нечаканых гасцей. Яшчэ больш яе ўразіла, тое што яны гаварылі

«Казалі, што “ўсё змянілася”, што я магу вярнуцца ў Беларусь і “не баяцца”. Маўляў, неабходна проста прыехаць, уладкавацца на працу і стаць на ўлік у КВІ (крымінальна-выканаўчая інспекцыя. — Рэд.). Выглядала, нібыта я знарок ухіляюся ад таго, каб прыехаць дадому, дзе мяне ўсе чакаюць», — распавёў са слоў маці Вячаслаў, https://baj.media/be/milicyjanty-navedali-maci-zhurnalista/ БАЖ.

http://spring96.org/be/news/118947

Вясна / Правы чалавека ў Беларусі

21:09 10 thg 3, 2026

📷 Photo

«У чаканні дазволу на працу я не магу самастойна аплаціць рахунак за адваката»

https://prisoners.spring96.org/be/person/ales-papkovicz — музыка, мастак і экс-палітзняволены. Пасля двух гадоў калоніі і вымушанай эміграцыі ён змагаецца за міжнародную абарону ў Польшчы і патрабуе дапамогі для аплаты паслуг адваката.

«Да канчатковага рашэння па міжнароднай абароне і атрыманні дазволу на працу я застаюся ва ўразлівым становішчы. Пакуль ідуць юрыдычныя працэдуры, я не магу легальна працаваць і аплочваць юрыдычную дапамогу.

Частка паслуг адваката, які прадстаўляў мяне ў судзе, засталася неаплачанай – €1500. Самастойна пакрыць гэтую суму я зараз не магу.

Буду ўдзячны любой дапамозе, якая дазволіць аплаціць працу адваката, завяршыць працэс міжнароднай абароны і вярнуцца да нармальнага жыцця і працы ў Польшчы».

https://bysol.org/be/private/popkovich_for_lawer/

1,480

Вясна / Правы чалавека ў Беларусі

21:09 10 thg 3, 2026

📷 Photo

🌿З'явілася аб'яднанне былых палітзняволеных жанчын — «Побач»

Яно аб'ядноўвае і прадстаўляе жанчын, што перажылі досвед палітычнага зняволення. Мэта аб'яднання — псіхалагічная, сацыяльная і матэрыяльная дапамога такім жанчынам, а таксама адвакацыйныя кампаніі.

http://instagram.com/pobach.association

1,690

Вясна / Правы чалавека ў Беларусі

21:09 10 thg 3, 2026

📷 Photo

📝Праваабаронцы прадставілі ў ААН даклад аб смяротным пакаранні ў Беларусі

Праваабарончы цэнтр «Вясна», кампанія «Праваабаронцы супраць смяротнага пакарання ў Беларусі» і «Прававая ініцыятыва» прадставілі сумесны даклад Спецыяльнаму дакладчыку ААН па пытанні аб пазасудовых пакараннях смерцю, пакараннях смерцю без належнага судовага разбору або адвольных пакараннях смерцю Морысу Цідбал-Бінцу.

Беларусь застаецца адзінай краінай у Еўропе, дзе па-ранейшаму ўжываецца смяротнае пакаранне. Працэдура яе выканання ў строгай сакрэтнасці: улады цалкам не публікуюць звесткі аб прысудах і пакараннях смерцю, не паведамляюць сем'ям дату пакарання, не вяртаюць целы і не раскрываюць месца пахавання.

Паводле звестак праваабаронцаў, у 2015-2025 гадах у Беларусі былі вынесеныя 24 смяротныя прысуды. За апошнія пяць гадоў іх было пяць. Вядома пра два пакаранні смерцю, тады як лёс яшчэ аднаго асуджанага застаецца невядомым.

Падрабязнасці 👉 https://dp.spring96.org/be/news/119776

1,670

Вясна / Правы чалавека ў Беларусі

21:09 10 thg 3, 2026

📷 Photo

🗣«Узмацненне рэпрэсій у сферы культуры»: юрыстка каментуе «справу на беларускіх кнігавыдаўцоў»

3 сакавіка Камітэт дзяржаўнай бяспекі прызнаў «экстрэмісцкім фармаваннем» кааліцыю друкаваных выдавецтваў «Фонд Kamunikat.оrg», «Lohvinau Publishing House», «Andrei Yanushkevich Publishing». Але вядома пра гэта стала толькі дзявятага сакавіка. Некаторыя, каго КДБ прызнаў датычным да «фармавання» ўтрымліваюцца за кратамі.

Юрыстка «Вясны» Святлана Галаўнёва каментуе «справу на беларускіх кнігавыдаўцоў».

«Рызыка крымінальнага пераследу за куплю кніг таксама становіцца высокай, калі адносіны з выдавецтвам выходзяць за межы звычайнага спажывання і набываюць сістэмны характар. У такой сітуацыі следства можа спрабаваць інтэрпрэтаваць дзеянні не як набыццё тавару, а як форму ўдзелу ў дзейнасці арганізацыі або садзейнічанне ёй».

Чытаць па спасылцы 👉 https://spring96.org/be/news/119778

https://storage.googleapis.com/spring96/read.html?page=/be/news/119778

1,770

Вясна / Правы чалавека ў Беларусі

21:09 10 thg 3, 2026

📷 Photo

Выставілі на продаж канфіскаванае лецішча праваабаронцы Уладзіміра Хільмановіча

Органы судовага выканання выставілі на аўкцыён канфіскаванае раней лецішча гродзенскага праваабаронцы і журналіста Уладзіміра Хільмановіча.

Нагадаем, 19 жніўня 2024 году Гродзенскі абласны суд завочна прызначыў Хільмановічу пазбаўленне волі тэрмінам на 5 гадоў у папраўчай калоніі ва ўмовах узмоцненага рэжыму і вялізны штраф — 40 тысяч беларускіх рублёў.

Органы судовага выканання канфіскавалі і ўжо прадалі ўсю бытавую тэхніку сям’і Уладзіміра (лядоўню, тэлевізар, пральную машыну). Зараз на продаж выстаўлена канфіскаванае лецішча праваабаронцы. Фармальна аб’ект фігуруе як будынак былога сельскага клуба ў вёсцы Навасёлкі (Мастоўскі раён). Фактычна ж былы будынак непадалёк берагу Нёмана паўразбураны, https://hpravy.org/2026/03/06/выставілі-на-продаж-канфіскаванае-ле/ «Гарадзенская Праваабарона».

https://spring96.org/be/news/119768

1,660

Вясна / Правы чалавека ў Беларусі

21:09 10 thg 3, 2026

📷 Photo

«Яны ўвесь час блыталі Швецыю і Швейцарыю» — палітзняволеная грамадзянка Швецыі пра сем месяцаў у СІЗА КДБ

https://prisoners.spring96.org/be/person/halina-krasnjanskaja-koval пераехала ў Швецыю ў 2003 годзе і пазней атрымала грамадзянства. Перыядычна жанчына ездзіла ў Беларусь, дзе наведвала сваіх сваякоў. Але адзін з такіх прыездаў дадому скончыўся затрыманнем. Галіну затрымалі ў той дзень, калі яна павінна была вяртацца ў Швецыю.

У СІЗА КДБ жанчыну пратрымалі сем месяцаў. У характарыстыцы адтуль былую палітзняволеную апісалі як «пагардлівую», узгадвае жанчына:

«Можа, я сябе сапраўды так паводзіла, бо яны не бачылі гэтага свету, нічога не ведаюць пра навакольнае асяроддзе. Яны ўвесь час блыталі Швецыю і Швейцарыю. А я ў сваім жыцці з дзяцінства пастаянна кудысьці ездзіла і шмат бачыла. Мяне бацькі шмат вазілі па Савецкім Саюзе. А гэтыя людзі з КДБ — абмежаваныя ў сваім светапоглядзе».

https://spring96.org/be/news/119766

1,640

Вясна / Правы чалавека ў Беларусі

16:02 9 thg 3, 2026

📷 Photo

❗️«На суды мяне вазілі ў кайданках з рукамі за спіной» — былая палітзняволеная пенсіянерка са Швецыі

69-гадовая https://prisoners.spring96.org/be/person/halina-krasnjanskaja-koval цяпер жыве ў Швецыі спакойным жыццём, стараецца штодзённа праходзіць за дзесяць тысяч крокаў і малюе ў стылі «нейраграфікі». А яшчэ дзевяць месяцаў таму жанчыну ўтрымлівалі ў беларускай жаночай калоніі па палітычным абвінавачванні. Яе асудзілі па перапісцы ў фэйсбуку з украінкай пра збор грошай на беспілотнікі для Украіны. Галіна не прызнала віну ні на судзе, ні ў калоніі.

Былая палітзняволеная распавяла «Вясне» пра жыццё пасля зняволення, умовы ў СІЗА КДБ і ў калоніі, а таксама пра падтрымку жанчын за кратамі.

Чытаць па спасылцы 👉 https://spring96.org/be/news/119766

https://storage.googleapis.com/spring96/read.html?page=/be/news/119766

✍️Гэты матэрыял са спецыяльнага цыклу да Міжнароднага дня барацьбы за правы жанчын «Яна сведчыць». Гэта серыя інтэрв'ю — пра тое, як выглядаюць рэпрэсіі, калі яны накіраваныя супраць жанчын.

Вясна / Правы чалавека ў Беларусі

16:02 9 thg 3, 2026

📷 Photo

❗️КДБ прызнаў «экстрэмісцкім фармаваннем» кааліцыю друкаваных выдавецтваў

Гаворка пра «Фонд Kamunikat.оrg», «Lohvinau Publishing House», «Andrei Yanushkevich Publishing».

Нагадаем, напрыканцы лютага ў Мінску масавыя затрыманні выдаўцоў і кнігараспаўсюднікаў. Паводле інфармацыі «Вясны», агулам было затрымана як мінімум 10 чалавек — частку з іх адправілі на «суткі».

Адзначым, што частка з затрыманых дагэтуль знаходзіцца за кратамі.

1,460

Вясна / Правы чалавека ў Беларусі

16:02 9 thg 3, 2026

📷 Photo

Супрацоўніка ІТ-кампаніі з Гомеля асудзілі за «садзейнічанне экстрэмізму»

31-гадовага гамельчука Андрэя Кулікова асудзілі ў Гомельскім абласным судзе паводле ч.1 і ч.2 арт. 361-4 КК — «садзейнічанне экстрэмісцкай дзейнасці». Праваабаронцы пакуль высвятляюць, які менавіта прысуд яму вынеслі. Вядома толькі, што гаворка ідзе пра пакаранне, звязанае з пазбаўленнем або абмежаваннем волі.

Андрэй Кулікоў, паводле адкрытых дадзеных у сацсетках, працуе ў ІТ-кампаніі Altabel Group, якая займаецца распрацоўкай праграмнага забеспячэння, піша https://t.me/viasnaHomel.

1,280

Вясна / Правы чалавека ў Беларусі

16:02 9 thg 3, 2026

📷 Photo

«Пагражаў, што распавядзе міліцыі, што я хадзіла на пратэсты» — як беларусцы пагражаў даносам яе былы партнёр

Кацярына сутыкнулася з пагрозамі даносу і шантажом з боку былога партнёра. Калі яна была студэнткай, то пазнаёмілася з ім у інтэрнэце. Пасля завязаліся рамантычныя стасункі з хлопцам, напоўненыя псіхалагічным і фізічным гвалтам. Яна распавяла «Вясне» сваю гісторыю:

«Страшна тое, што ён ведаў, дзе я вучуся, на каго працую. І кожны раз, калі ён злаваўся, пагражаў мне тым, што распавядзе міліцыі пра тое, што я хадзіла на пратэсты. Мой фатаздымак з бчб-сцягам ён таксама забраў сабе, і я не магла яго знайсці нават пасля таго, як ён з'ехаў з кватэры. У яго таксама былі скрыншоты паведамленняў, дзе я крытычна выказвалася пра ўлады Беларусі, падтрымлівала Украіну пасля паўнамаштабнага ўварвання. Ён лічыў, што гэта нармальна захоўваць такую інфармацыю, калі сам нібыта быў на тым жа баку».

https://spring96.org/be/news/119742

1,730

Вясна / Правы чалавека ў Беларусі

16:02 9 thg 3, 2026

📷 Photo

❗️Журналіст Павел Дабравольскі асуджаны на 9 гадоў пазбаўлення волі

Як стала вядома https://t.me/pozirkonline, журналіст Павел Дабравольскі асуджаны на 9 гадоў пазбаўлення волі. Рашэнне вынес Мінскі гарадскі суд. Працэс быў закрытым.

https://prisoners.spring96.org/be/person/pavel-dabravolski быў затрыманы ў Мінску 22 студзеня 2025 года — праз некалькі месяцаў пасля вяртання на радзіму. Абвінавачваўся ў «здрадзе дзяржаве».

Журналіст раней працаваў як на беларускія, так і на замежныя медыя — у тым ліку на ўкраінскі часопіс NV.uа. Апошняе месца працы Дабравольскага ў Беларусі — незалежная інфармацыйная кампанія БелаПАН, частку супрацоўнікаў якой у 2021 годзе КДБ прызнаў «экстрэмісцкім фармаваннем».

Чытаць па спасылцы 👉 https://spring96.org/be/news/119765

1,430

Вясна / Правы чалавека ў Беларусі

16:02 9 thg 3, 2026

📷 Photo

📄 Што пачытаць у нядзелю? Сабралі для вас галоўныя матэрыялы «Вясны» за тыдзень:

https://spring96.org/be/news/119763

https://spring96.org/be/news/119692

https://spring96.org/be/news/119694

https://spring96.org/be/news/119698

https://spring96.org/be/news/119699

https://spring96.org/be/news/119734

https://spring96.org/be/news/119738

https://spring96.org/be/news/119742

💵Падтрымаць «Вясну» 👉 http://donate.spring96.org/

1,520

Вясна / Правы чалавека ў Беларусі

16:02 9 thg 3, 2026

📷 Photo

💜«Яна сведчыць» — цыкл гутарак «Вясны» з былымі палітзняволенымі жанчынамі

Адмыслова да Міжнароднага дня барацьбы за правы жанчын «Вясна» запусціла цык гутарак з былымі палітзняволенымі жанчынамі «Яна сведчыць». Праект фіксуе жаночы досвед рэпрэсій — ад затрымання і суда, жоўтага кляйма «экстрэмісткі», расстання з дзецьмі — да вызвалення, прымусовага выправаджэння з краіны і жыцця ў эміграцыі.

🔸 https://spring96.org/be/news/119707

🔸 https://spring96.org/be/news/119716
🔸 https://spring96.org/be/news/119727

🔸 http://spring96.org/be/news/119744

🔸 https://spring96.org/be/news/119760

https://spring96.org/be/news/119764

1,600

Вясна / Правы чалавека ў Беларусі

16:02 9 thg 3, 2026

📷 Photo

«Бруд, смурод, блашчыцы». У якіх умовах трымаць зняволеных у ІЧУ Брэста

Са словаў былой жанчыны, санітарныя і гігіенічныя ўмовы ў ІЧУ адсутнічаюць.

«Бруд, смурод, блашчыцы, адсутнасць пасцельнай бялізны, пабудкі па начах з дакладам хто ты ёсць. Выводзілі з камеры ў кайданках, вадзілі па калідорах, як водзяць смяротнікаў. У час праверкі прымушалі шырэй расстаўляць ногі. Калі, на думку хамаватай Дзіяны (казалі, у яе бацька ў СК працуе), ты недастаткова нізка нахілілася, яна хапала за шыю і з перакошаным ад злосці тварам крычала: "Ніжэй!".

З васьмі чалавек, якія знаходзяцца ў камеры, сямёра палілі. Без прагулак, без праветрывання і т.д. Падсаджвалі да палітычных свайго суперагента – алкагалічку Юлю. Калі мы з жанчынамі ўспаміналі ІЧУ, смяяліся, што ў яе кожны раз новая легенда, але скрыначка са спецыямі заўсёды была адна і тая ж».

https://spring96.org/be/news/119716

1,520

Вясна / Правы чалавека ў Беларусі

16:02 9 thg 3, 2026

📷 Photo

«Рэзка адмяняюць антыдэпрэсанты і людзі проста вар'яцеюць»

Многія жанчыны ў зняволенні звяртаюцца па дапамогу да псіхолага. У калоніі ёсць магчымасць атрымаць антыдэпрэсанты, але няма гарантыі, што жанчына зможа прапіць увесь курс, таму што часам таблеткі рэзка адмяняюць.

«Сіндром адмены лекаў — частая праблема ў зняволенні. Людзям у калоніі прапісваюць антыдэпрэсанты, потым рэзка адмяняюць і людзі проста вар'яцеюць. Гэтага зусім нельга рабіць. Пры гэтым прапісваюць такія антыдэпрэсанты, што чалавек ад іх наогул неадэкватны. Пасля адмены ідуць крыкі, гістэрыкі. Там ад такой дапамогі толькі горш».

Лекі зняволеныя атрымліваюць у медчастцы пасля доўгай чаргі. Калі ў дзень трэба выпіць дзве таблетцы — то ў чарзе прыйдзецца стаяць двойчы. Часта — у свой вольны час, якога ў калоніі і без таго практычна няма. Акрамя гэтага, замест замежных прэпаратаў жанчынам часта прапануюць беларускія аналагі, якія значна саступаюць у якасці.

https://spring96.org/be/news/119764

1,540

Вясна / Правы чалавека ў Беларусі

16:02 9 thg 3, 2026

📷 Photo

❗️«Ты — не жанчына, ты — злачынца». Былая палітзняволеная — пра гомельскую калонію і аднаўленне пасля вызвалення

Аляксандра — мастачка, якая правяла ў зняволенні крыху больш за год. Яна адбывала свой тэрмін у гомельскай калоніі № 4, дзе, па яе словах, усё ўладкавана так, каб жанчына пастаянна адчувала ўразлівасць і страх: за дробнае парушэнне можна трапіць у ШІЗА, доступ да самых базавых рэчаў ператвараецца ў чаргу і чаканне, а бессэнсоўная фізічная праца і пастаянныя праверкі падтрымліваюць стан пастаяннага напружання.

«Вясна» паразмаўляла з былой палітзняволенай пра тое, як сістэма спрабуе зламаць жанчын і чаму вяртанне да звычайнага жыцця пасля вызвалення аказваецца не менш цяжкім выпрабаваннем.

Чытаць па спасылцы 👉 https://spring96.org/be/news/119764

https://storage.googleapis.com/spring96/read.html?page=/be/news/119764

✍️Гэты матэрыял са спецыяльнага цыклу да Міжнароднага дня барацьбы за правы жанчын «Яна сведчыць». Гэта серыя інтэрв'ю — пра тое, як выглядаюць рэпрэсіі, калі яны накіраваныя супраць жанчын.

Showing 30 of 100 posts

Loading posts...

Xếp hạng

Yêu cầu đăng nhập

Đánh giá của người dùng (0)

Chưa có đánh giá nào. Hãy là người đầu tiên chia sẻ trải nghiệm của bạn!

Loading reviews...

Вясна / Правы чалавека ў Беларусі

Follow @viasna96 to stay updated with the latest viasna_bot and zvarot96 trends and news

Xếp hạng

Xếp hạng toàn cầu

#14268

-3

Xếp hạng ngôn ngữ

#64Không thay đổi

Xếp hạng danh mục

#511Không thay đổi

Tăng trưởng người đăng ký (Trong 29 ngày qua)

Tổng cộng: 9.5K

Tăng trưởng 24 giờ: -6 0%

Bài đăng gần đây

Вясна / Правы чалавека ў Беларусі

12:05 12 thg 3, 2026

📷 Photo

🔗Шукаем людзей, якія ў апошні час вызваліліся з Аршанскай калоніі ПК-8

Калі гэта вы ці ваш блізкі чалавек, калі ласка, напішыце на https://t.me/Viasnainfo

🌿У мэтах бяспекі, вы можаце перадаць такую інфармацыю праз знаёмых, што знаходзяцца за мяжой