💟💟💟
Ushbu she'r TDIU Savdo ishi kafedrasi mudiri, shoir Shams Olloyor qalamiga mansub:
Bahor, xalqim aytar so'zi bo'lib kel!
Bahor, yurtimga so‘nmas quvonch bo‘lib kel,
Sog‘ingan qalblarda hur sog‘inch bo‘lib kel.
Yurt ishqida yongan yurakda sel bo‘lib kel,
Ulug‘ yo‘lda marra olgan bir el bo‘lib kel!
Bahor, yurtimning jamoli, jilosi bo‘lib kel,
Jilmaygan momomning o‘sma, hinosi bo‘lib kel.
Bobomning ori, belida belbog‘i bo‘lib kel,
Ulug‘ yo‘lda karvoning bir sarboni bo‘lib kel!
Bahor, yurtimning rizqi, ro‘zi bo‘lib kel,
To‘kin dasturxoniga noni, tuzi bo‘lib kel.
Bog‘larimga yarashgan lola guli bo‘lib kel,
Ulug‘ yo‘lda yorishgan bir nuri bo‘lib kel!
Bahor, yurtimga kulib, shodlanib kel,
Sochlaringda jamalak mayda o‘rib kel.
Osmonimga yarashgan Zuhro yulduz bo‘lib kel,
Ulug‘ yo‘lda porlagan bir ziyo bo‘lib kel!
Bahor, yurtimning xush navosi bo‘lib kel,
Qalb torlarini chertib kuylar bo‘lib kel.
Ona zaminimga chuchmomo, yalpiz bo‘lib kel,
Ulug‘ yo‘lda xalqimga bir ildiz bo‘lib kel!
Bahor, yurtimga yarashgan kelin bo‘lib kel,
Yarashar senga samodan allalar aytib kel!
Dunyoni tebratar buyuk beshik bo‘lib kel,
Ulug‘ yo‘lda jahonda bir eshik bo‘lib kel!
Bahor, yurtimning to‘kis baxti bo‘lib kel,
Tolei baland osmon, oltin taxti bo‘lib kel.
Har boqsam bahor — onamning yuzi bo‘lib kel,
Ulug‘ yo‘lda xalqim aytar so‘zi bo‘lib kel!
📹Ushbu ijod na'munasini tinglash hamda shoirning boshqa she’rlari bilan tanishish uchun:
https://youtu.be/Xu8MQf0hAVQ?si=gZdjBGDkpsXYAPXy
Biz bilan bitta to‘lqinda bo‘ling:
💬 📹
https://www.instagram.com/tdiu.yoshlar?igsh=MTF5ejJuZXE4dmhqZw==
![France Alert on Telegram by GRT: Système d’alerte / Alarmes Urgence / Risques Naturels et Nucléaire [Meteo] Profile](/_next/image?url=https%3A%2F%2Fcdn.tgsaw.com%2Fchannels%2F2026%2F03%2FFRAlert.webp&w=256&q=75)
