Telegram channel "Вясна / Правы чалавека ў Беларусі"

Вясна / Правы чалавека ў Беларусі

Public

Attentions : It important to do your own research before placing your trust in any information, particularly if there's a request for money involved.

Can't Join? @viasna96

9.5k Members

Updated: March 8, 2026 at 8:18 PM

Вясна / Правы чалавека ў Беларусі

Тэлеграм-канал Праваабарончага цэнтру «Вясна». Актуальныя навіны ў галіне правоў чалавека ў Беларусі. Пра затрыманні пісаць на @viasna_bot, для кансультацый - @ViasnaSOS. Сувязь з інфармацыйнай службай: @Viasnainfo Юрыдычная служба: @zvarot96

Follow @viasna96 to stay updated with the latest viasna_bot and zvarot96 trends and news

Ranking

Global Ranking

#14268

-3

Language Ranking

#64No change

Category Ranking

#511No change

Participant Growth (Last 29 Days)

Total: 9.5K

24h growth: -6 0%

Latest Posts

Вясна / Правы чалавека ў Беларусі

Mar 10, 2026, 09:09 PM

📷 Photo

🗣Паведамляйце праваабаронцам пра сваіх родных, якія ўтрымліваюцца за кратамі па палітычных матывах

Па стане на сёння ў Беларусі прызнаныя палітычнымі вязнямі каля https://prisoners.spring96.org/, агулам жа праваабаронцам вядома пра больш за https://spring96.org/be/news/99638 крымінальных палітычных справаў з 2020-га году. Відавочна, што гэта далёка не ўсе людзі, якія сутыкнуліся з палітычным пераследам у Беларусі за апошнія гады.

❗️Калі нехта з вашых блізкіх ці знаёмых апынуўся за кратамі, але пра іх лёс нічога невядома праваабаронцам, калі ласка, паведамляйце пра гэта «Вясне»: https://t.me/ViasnaSOS, https://t.me/Viasnainfo

📱У мэтах бяспекі, вы можаце перадаць такую інфармацыю праз знаёмых, што знаходзяцца за мяжой.

✍️Дапамажыце зафіксаваць усе факты рэпрэсій, каб паказаць свету маштаб катастрофы з правамі чалавека ў Беларусі!

1,370

Вясна / Правы чалавека ў Беларусі

Mar 10, 2026, 09:09 PM

🎥 Video

У Слоніме сілавікі ціснуць на сям'ю за лайк у «Аднакласніках» у 2016 годзе

Па словах мужчыны, 5 сакавіка яго жонку без позвы выклікалі ў Следчы камітэт. Там ёй задавалі пытанні аб публікацыі, пагражалі і папярэджвалі аб магчымых праблемах на працы, а таксама аб рызыцы пазбаўлення сям'і прыёмных дзяцей.

Характэрна, што следчы, які праводзіў допыт, старанна хаваў сваё прозвішча, піша https://t.me/Grodno_grab.

1,380

Вясна / Правы чалавека ў Беларусі

Mar 10, 2026, 09:09 PM

📷 Photo

Спецпрадстаўнік Трампа Джон Коўл прыедзе ў Мінск на наступным тыдні

«На наступным тыдні Літву наведае спецыяльны пасланнік ЗША ў Беларусі Джон Коўл. Коўл прыбудзе ў Вільню 18 сакавіка, пасля чаго адправіцца ў Мінск», — піша https://t.me/nashaniva са спасылкай на літоўскі партал Delfi.

Усе мінулыя прыезды Коўла суправаджаліся вызваленнем палітвязняў.

1,420

Вясна / Правы чалавека ў Беларусі

Mar 10, 2026, 09:09 PM

📷 Photo

Міліцыянты наведалі 8 сакавіка маці экс-палітзняволенага журналіста Вячаслава Лазарава

Увечары 8 сакавіка двое міліцыянтаў з крымінальна-выканаўчай інспекцыі прыйшлі да маці былога палітвязня https://prisoners.spring96.org/be/person/vjaczaslau-lazarau, піша https://t.me/vicspring.

Жанчына ў адказ здзівілася, чаму супрацоўнікі МУС не ведаюць, што ён быў датэрмінова вызвалены з калоніі і прымусова вывезены ў Літву ў верасні мінулага года.

Сталага ўзросту жанчына была настолькі ў разгубленым стане, што нават не запомніла прозвішчаў і званняў нечаканых гасцей. Яшчэ больш яе ўразіла, тое што яны гаварылі

«Казалі, што “ўсё змянілася”, што я магу вярнуцца ў Беларусь і “не баяцца”. Маўляў, неабходна проста прыехаць, уладкавацца на працу і стаць на ўлік у КВІ (крымінальна-выканаўчая інспекцыя. — Рэд.). Выглядала, нібыта я знарок ухіляюся ад таго, каб прыехаць дадому, дзе мяне ўсе чакаюць», — распавёў са слоў маці Вячаслаў, https://baj.media/be/milicyjanty-navedali-maci-zhurnalista/ БАЖ.

http://spring96.org/be/news/118947

Вясна / Правы чалавека ў Беларусі

Mar 10, 2026, 09:09 PM

📷 Photo

«У чаканні дазволу на працу я не магу самастойна аплаціць рахунак за адваката»

https://prisoners.spring96.org/be/person/ales-papkovicz — музыка, мастак і экс-палітзняволены. Пасля двух гадоў калоніі і вымушанай эміграцыі ён змагаецца за міжнародную абарону ў Польшчы і патрабуе дапамогі для аплаты паслуг адваката.

«Да канчатковага рашэння па міжнароднай абароне і атрыманні дазволу на працу я застаюся ва ўразлівым становішчы. Пакуль ідуць юрыдычныя працэдуры, я не магу легальна працаваць і аплочваць юрыдычную дапамогу.

Частка паслуг адваката, які прадстаўляў мяне ў судзе, засталася неаплачанай – €1500. Самастойна пакрыць гэтую суму я зараз не магу.

Буду ўдзячны любой дапамозе, якая дазволіць аплаціць працу адваката, завяршыць працэс міжнароднай абароны і вярнуцца да нармальнага жыцця і працы ў Польшчы».

https://bysol.org/be/private/popkovich_for_lawer/

1,480

Вясна / Правы чалавека ў Беларусі

Mar 10, 2026, 09:09 PM

📷 Photo

🌿З'явілася аб'яднанне былых палітзняволеных жанчын — «Побач»

Яно аб'ядноўвае і прадстаўляе жанчын, што перажылі досвед палітычнага зняволення. Мэта аб'яднання — псіхалагічная, сацыяльная і матэрыяльная дапамога такім жанчынам, а таксама адвакацыйныя кампаніі.

http://instagram.com/pobach.association

1,690

Вясна / Правы чалавека ў Беларусі

Mar 10, 2026, 09:09 PM

📷 Photo

📝Праваабаронцы прадставілі ў ААН даклад аб смяротным пакаранні ў Беларусі

Праваабарончы цэнтр «Вясна», кампанія «Праваабаронцы супраць смяротнага пакарання ў Беларусі» і «Прававая ініцыятыва» прадставілі сумесны даклад Спецыяльнаму дакладчыку ААН па пытанні аб пазасудовых пакараннях смерцю, пакараннях смерцю без належнага судовага разбору або адвольных пакараннях смерцю Морысу Цідбал-Бінцу.

Беларусь застаецца адзінай краінай у Еўропе, дзе па-ранейшаму ўжываецца смяротнае пакаранне. Працэдура яе выканання ў строгай сакрэтнасці: улады цалкам не публікуюць звесткі аб прысудах і пакараннях смерцю, не паведамляюць сем'ям дату пакарання, не вяртаюць целы і не раскрываюць месца пахавання.

Паводле звестак праваабаронцаў, у 2015-2025 гадах у Беларусі былі вынесеныя 24 смяротныя прысуды. За апошнія пяць гадоў іх было пяць. Вядома пра два пакаранні смерцю, тады як лёс яшчэ аднаго асуджанага застаецца невядомым.

Падрабязнасці 👉 https://dp.spring96.org/be/news/119776

1,670

Вясна / Правы чалавека ў Беларусі

Mar 10, 2026, 09:09 PM

📷 Photo

🗣«Узмацненне рэпрэсій у сферы культуры»: юрыстка каментуе «справу на беларускіх кнігавыдаўцоў»

3 сакавіка Камітэт дзяржаўнай бяспекі прызнаў «экстрэмісцкім фармаваннем» кааліцыю друкаваных выдавецтваў «Фонд Kamunikat.оrg», «Lohvinau Publishing House», «Andrei Yanushkevich Publishing». Але вядома пра гэта стала толькі дзявятага сакавіка. Некаторыя, каго КДБ прызнаў датычным да «фармавання» ўтрымліваюцца за кратамі.

Юрыстка «Вясны» Святлана Галаўнёва каментуе «справу на беларускіх кнігавыдаўцоў».

«Рызыка крымінальнага пераследу за куплю кніг таксама становіцца высокай, калі адносіны з выдавецтвам выходзяць за межы звычайнага спажывання і набываюць сістэмны характар. У такой сітуацыі следства можа спрабаваць інтэрпрэтаваць дзеянні не як набыццё тавару, а як форму ўдзелу ў дзейнасці арганізацыі або садзейнічанне ёй».

Чытаць па спасылцы 👉 https://spring96.org/be/news/119778

https://storage.googleapis.com/spring96/read.html?page=/be/news/119778

1,770

Вясна / Правы чалавека ў Беларусі

Mar 10, 2026, 09:09 PM

📷 Photo

Выставілі на продаж канфіскаванае лецішча праваабаронцы Уладзіміра Хільмановіча

Органы судовага выканання выставілі на аўкцыён канфіскаванае раней лецішча гродзенскага праваабаронцы і журналіста Уладзіміра Хільмановіча.

Нагадаем, 19 жніўня 2024 году Гродзенскі абласны суд завочна прызначыў Хільмановічу пазбаўленне волі тэрмінам на 5 гадоў у папраўчай калоніі ва ўмовах узмоцненага рэжыму і вялізны штраф — 40 тысяч беларускіх рублёў.

Органы судовага выканання канфіскавалі і ўжо прадалі ўсю бытавую тэхніку сям’і Уладзіміра (лядоўню, тэлевізар, пральную машыну). Зараз на продаж выстаўлена канфіскаванае лецішча праваабаронцы. Фармальна аб’ект фігуруе як будынак былога сельскага клуба ў вёсцы Навасёлкі (Мастоўскі раён). Фактычна ж былы будынак непадалёк берагу Нёмана паўразбураны, https://hpravy.org/2026/03/06/выставілі-на-продаж-канфіскаванае-ле/ «Гарадзенская Праваабарона».

https://spring96.org/be/news/119768

1,660

Вясна / Правы чалавека ў Беларусі

Mar 10, 2026, 09:09 PM

📷 Photo

«Яны ўвесь час блыталі Швецыю і Швейцарыю» — палітзняволеная грамадзянка Швецыі пра сем месяцаў у СІЗА КДБ

https://prisoners.spring96.org/be/person/halina-krasnjanskaja-koval пераехала ў Швецыю ў 2003 годзе і пазней атрымала грамадзянства. Перыядычна жанчына ездзіла ў Беларусь, дзе наведвала сваіх сваякоў. Але адзін з такіх прыездаў дадому скончыўся затрыманнем. Галіну затрымалі ў той дзень, калі яна павінна была вяртацца ў Швецыю.

У СІЗА КДБ жанчыну пратрымалі сем месяцаў. У характарыстыцы адтуль былую палітзняволеную апісалі як «пагардлівую», узгадвае жанчына:

«Можа, я сябе сапраўды так паводзіла, бо яны не бачылі гэтага свету, нічога не ведаюць пра навакольнае асяроддзе. Яны ўвесь час блыталі Швецыю і Швейцарыю. А я ў сваім жыцці з дзяцінства пастаянна кудысьці ездзіла і шмат бачыла. Мяне бацькі шмат вазілі па Савецкім Саюзе. А гэтыя людзі з КДБ — абмежаваныя ў сваім светапоглядзе».

https://spring96.org/be/news/119766

1,640

Вясна / Правы чалавека ў Беларусі

Mar 9, 2026, 04:02 PM

📷 Photo

❗️«На суды мяне вазілі ў кайданках з рукамі за спіной» — былая палітзняволеная пенсіянерка са Швецыі

69-гадовая https://prisoners.spring96.org/be/person/halina-krasnjanskaja-koval цяпер жыве ў Швецыі спакойным жыццём, стараецца штодзённа праходзіць за дзесяць тысяч крокаў і малюе ў стылі «нейраграфікі». А яшчэ дзевяць месяцаў таму жанчыну ўтрымлівалі ў беларускай жаночай калоніі па палітычным абвінавачванні. Яе асудзілі па перапісцы ў фэйсбуку з украінкай пра збор грошай на беспілотнікі для Украіны. Галіна не прызнала віну ні на судзе, ні ў калоніі.

Былая палітзняволеная распавяла «Вясне» пра жыццё пасля зняволення, умовы ў СІЗА КДБ і ў калоніі, а таксама пра падтрымку жанчын за кратамі.

Чытаць па спасылцы 👉 https://spring96.org/be/news/119766

https://storage.googleapis.com/spring96/read.html?page=/be/news/119766

✍️Гэты матэрыял са спецыяльнага цыклу да Міжнароднага дня барацьбы за правы жанчын «Яна сведчыць». Гэта серыя інтэрв'ю — пра тое, як выглядаюць рэпрэсіі, калі яны накіраваныя супраць жанчын.

Вясна / Правы чалавека ў Беларусі

Mar 9, 2026, 04:02 PM

📷 Photo

❗️КДБ прызнаў «экстрэмісцкім фармаваннем» кааліцыю друкаваных выдавецтваў

Гаворка пра «Фонд Kamunikat.оrg», «Lohvinau Publishing House», «Andrei Yanushkevich Publishing».

Нагадаем, напрыканцы лютага ў Мінску масавыя затрыманні выдаўцоў і кнігараспаўсюднікаў. Паводле інфармацыі «Вясны», агулам было затрымана як мінімум 10 чалавек — частку з іх адправілі на «суткі».

Адзначым, што частка з затрыманых дагэтуль знаходзіцца за кратамі.

1,460

Вясна / Правы чалавека ў Беларусі

Mar 9, 2026, 04:02 PM

📷 Photo

Супрацоўніка ІТ-кампаніі з Гомеля асудзілі за «садзейнічанне экстрэмізму»

31-гадовага гамельчука Андрэя Кулікова асудзілі ў Гомельскім абласным судзе паводле ч.1 і ч.2 арт. 361-4 КК — «садзейнічанне экстрэмісцкай дзейнасці». Праваабаронцы пакуль высвятляюць, які менавіта прысуд яму вынеслі. Вядома толькі, што гаворка ідзе пра пакаранне, звязанае з пазбаўленнем або абмежаваннем волі.

Андрэй Кулікоў, паводле адкрытых дадзеных у сацсетках, працуе ў ІТ-кампаніі Altabel Group, якая займаецца распрацоўкай праграмнага забеспячэння, піша https://t.me/viasnaHomel.

1,280

Вясна / Правы чалавека ў Беларусі

Mar 9, 2026, 04:02 PM

📷 Photo

«Пагражаў, што распавядзе міліцыі, што я хадзіла на пратэсты» — як беларусцы пагражаў даносам яе былы партнёр

Кацярына сутыкнулася з пагрозамі даносу і шантажом з боку былога партнёра. Калі яна была студэнткай, то пазнаёмілася з ім у інтэрнэце. Пасля завязаліся рамантычныя стасункі з хлопцам, напоўненыя псіхалагічным і фізічным гвалтам. Яна распавяла «Вясне» сваю гісторыю:

«Страшна тое, што ён ведаў, дзе я вучуся, на каго працую. І кожны раз, калі ён злаваўся, пагражаў мне тым, што распавядзе міліцыі пра тое, што я хадзіла на пратэсты. Мой фатаздымак з бчб-сцягам ён таксама забраў сабе, і я не магла яго знайсці нават пасля таго, як ён з'ехаў з кватэры. У яго таксама былі скрыншоты паведамленняў, дзе я крытычна выказвалася пра ўлады Беларусі, падтрымлівала Украіну пасля паўнамаштабнага ўварвання. Ён лічыў, што гэта нармальна захоўваць такую інфармацыю, калі сам нібыта быў на тым жа баку».

https://spring96.org/be/news/119742

1,730

Вясна / Правы чалавека ў Беларусі

Mar 9, 2026, 04:02 PM

📷 Photo

❗️Журналіст Павел Дабравольскі асуджаны на 9 гадоў пазбаўлення волі

Як стала вядома https://t.me/pozirkonline, журналіст Павел Дабравольскі асуджаны на 9 гадоў пазбаўлення волі. Рашэнне вынес Мінскі гарадскі суд. Працэс быў закрытым.

https://prisoners.spring96.org/be/person/pavel-dabravolski быў затрыманы ў Мінску 22 студзеня 2025 года — праз некалькі месяцаў пасля вяртання на радзіму. Абвінавачваўся ў «здрадзе дзяржаве».

Журналіст раней працаваў як на беларускія, так і на замежныя медыя — у тым ліку на ўкраінскі часопіс NV.uа. Апошняе месца працы Дабравольскага ў Беларусі — незалежная інфармацыйная кампанія БелаПАН, частку супрацоўнікаў якой у 2021 годзе КДБ прызнаў «экстрэмісцкім фармаваннем».

Чытаць па спасылцы 👉 https://spring96.org/be/news/119765

1,430

Вясна / Правы чалавека ў Беларусі

Mar 9, 2026, 04:02 PM

📷 Photo

📄 Што пачытаць у нядзелю? Сабралі для вас галоўныя матэрыялы «Вясны» за тыдзень:

https://spring96.org/be/news/119763

https://spring96.org/be/news/119692

https://spring96.org/be/news/119694

https://spring96.org/be/news/119698

https://spring96.org/be/news/119699

https://spring96.org/be/news/119734

https://spring96.org/be/news/119738

https://spring96.org/be/news/119742

💵Падтрымаць «Вясну» 👉 http://donate.spring96.org/

1,520

Вясна / Правы чалавека ў Беларусі

Mar 9, 2026, 04:02 PM

📷 Photo

💜«Яна сведчыць» — цыкл гутарак «Вясны» з былымі палітзняволенымі жанчынамі

Адмыслова да Міжнароднага дня барацьбы за правы жанчын «Вясна» запусціла цык гутарак з былымі палітзняволенымі жанчынамі «Яна сведчыць». Праект фіксуе жаночы досвед рэпрэсій — ад затрымання і суда, жоўтага кляйма «экстрэмісткі», расстання з дзецьмі — да вызвалення, прымусовага выправаджэння з краіны і жыцця ў эміграцыі.

🔸 https://spring96.org/be/news/119707

🔸 https://spring96.org/be/news/119716
🔸 https://spring96.org/be/news/119727

🔸 http://spring96.org/be/news/119744

🔸 https://spring96.org/be/news/119760

https://spring96.org/be/news/119764

1,600

Вясна / Правы чалавека ў Беларусі

Mar 9, 2026, 04:02 PM

📷 Photo

«Бруд, смурод, блашчыцы». У якіх умовах трымаць зняволеных у ІЧУ Брэста

Са словаў былой жанчыны, санітарныя і гігіенічныя ўмовы ў ІЧУ адсутнічаюць.

«Бруд, смурод, блашчыцы, адсутнасць пасцельнай бялізны, пабудкі па начах з дакладам хто ты ёсць. Выводзілі з камеры ў кайданках, вадзілі па калідорах, як водзяць смяротнікаў. У час праверкі прымушалі шырэй расстаўляць ногі. Калі, на думку хамаватай Дзіяны (казалі, у яе бацька ў СК працуе), ты недастаткова нізка нахілілася, яна хапала за шыю і з перакошаным ад злосці тварам крычала: "Ніжэй!".

З васьмі чалавек, якія знаходзяцца ў камеры, сямёра палілі. Без прагулак, без праветрывання і т.д. Падсаджвалі да палітычных свайго суперагента – алкагалічку Юлю. Калі мы з жанчынамі ўспаміналі ІЧУ, смяяліся, што ў яе кожны раз новая легенда, але скрыначка са спецыямі заўсёды была адна і тая ж».

https://spring96.org/be/news/119716

1,520

Вясна / Правы чалавека ў Беларусі

Mar 9, 2026, 04:02 PM

📷 Photo

«Рэзка адмяняюць антыдэпрэсанты і людзі проста вар'яцеюць»

Многія жанчыны ў зняволенні звяртаюцца па дапамогу да псіхолага. У калоніі ёсць магчымасць атрымаць антыдэпрэсанты, але няма гарантыі, што жанчына зможа прапіць увесь курс, таму што часам таблеткі рэзка адмяняюць.

«Сіндром адмены лекаў — частая праблема ў зняволенні. Людзям у калоніі прапісваюць антыдэпрэсанты, потым рэзка адмяняюць і людзі проста вар'яцеюць. Гэтага зусім нельга рабіць. Пры гэтым прапісваюць такія антыдэпрэсанты, што чалавек ад іх наогул неадэкватны. Пасля адмены ідуць крыкі, гістэрыкі. Там ад такой дапамогі толькі горш».

Лекі зняволеныя атрымліваюць у медчастцы пасля доўгай чаргі. Калі ў дзень трэба выпіць дзве таблетцы — то ў чарзе прыйдзецца стаяць двойчы. Часта — у свой вольны час, якога ў калоніі і без таго практычна няма. Акрамя гэтага, замест замежных прэпаратаў жанчынам часта прапануюць беларускія аналагі, якія значна саступаюць у якасці.

https://spring96.org/be/news/119764

1,540

Вясна / Правы чалавека ў Беларусі

Mar 9, 2026, 04:02 PM

📷 Photo

❗️«Ты — не жанчына, ты — злачынца». Былая палітзняволеная — пра гомельскую калонію і аднаўленне пасля вызвалення

Аляксандра — мастачка, якая правяла ў зняволенні крыху больш за год. Яна адбывала свой тэрмін у гомельскай калоніі № 4, дзе, па яе словах, усё ўладкавана так, каб жанчына пастаянна адчувала ўразлівасць і страх: за дробнае парушэнне можна трапіць у ШІЗА, доступ да самых базавых рэчаў ператвараецца ў чаргу і чаканне, а бессэнсоўная фізічная праца і пастаянныя праверкі падтрымліваюць стан пастаяннага напружання.

«Вясна» паразмаўляла з былой палітзняволенай пра тое, як сістэма спрабуе зламаць жанчын і чаму вяртанне да звычайнага жыцця пасля вызвалення аказваецца не менш цяжкім выпрабаваннем.

Чытаць па спасылцы 👉 https://spring96.org/be/news/119764

https://storage.googleapis.com/spring96/read.html?page=/be/news/119764

✍️Гэты матэрыял са спецыяльнага цыклу да Міжнароднага дня барацьбы за правы жанчын «Яна сведчыць». Гэта серыя інтэрв'ю — пра тое, як выглядаюць рэпрэсіі, калі яны накіраваныя супраць жанчын.

Вясна / Правы чалавека ў Беларусі

Mar 8, 2026, 02:23 AM

📷 Photo

Журналістку https://prisoners.spring96.org/be/person/cina-palynskaja і яе дачку https://prisoners.spring96.org/be/person/marharyta-rabinovicz асудзілі да 2 гадоў калоніі

Таксама ім прызначылі штраф. Вядома, што пракурор патрабаваў для жанчын па 2,5 года пазбаўлення волі.

Ціну і Маргарыту абвінавачвалі паводле ч. 3 арт. 361-1 КК (стварэнне экстрэмісцкага фармавання або ўдзел у ім).

Ціна і яе старэйшая дачка былі затрыманы ў траўні 2025 года і змешчаны пад варту па крымінальнай справе. Раней паведамлялася, што іх справа можа быць звязана з рашэннем КДБ прызнаць «Беларускую аналітычную майстэрню» прафесара Андрэя Вардамацкага «экстрэмісцкім фармаваннем». Гэтая арганізацыя праводзіла сацыялагічныя апытанні сярод беларускіх грамадзян.

13 кастрычніка 2025 году стала вядома, што памёр муж Ціны — пісьменнік Алесь Палынскі.

Чытаць па спасылцы 👉 https://spring96.org/be/news/119755

1,760

Вясна / Правы чалавека ў Беларусі

Mar 8, 2026, 02:23 AM

📷 Photo

Улады засакрэцілі інфармацыю пра закупкі ежы на Акрэсціна

Як заўважыла 5 сакавіка «Люстэрка», на харчаванне зняволеных, якія ўтрымліваюцца пад арыштам на Акрэсціна ў Мінску, у 2026 годзе плануюць выдаткаваць 950 тысяч рублёў. Але сёлета ўлады засакрэцілі інфармацыю пра кошт адной сутачнай порцыі арыштанта. Гэта не дазваляе выявіць ані кошт ежы ані сёлетнюю колькасць чаканых арыштантаў.

Разбіраемся разам з юрысткай «Вясны» Святланай Галаўнёвай, ці хаванне інфармацыі сведчыць пра падрыхтоўку ўладаў да чарговай хвалі массавых затрыманняў, а таксама нагадваем пра сістэмнае невыкананне нормаў харчавання зняволеных на Акрэсціна.

«Правіла Нэльсана Мандэлы №22 кажа, што кожны затрыманы павінен быць забяспечаны турэмнай адміністрацыяй у звычайны час ежай, якая валодае дастатковай пажыўнай каштоўнасцю для здароўя і сіл, здаровай якасці, добра прыгатаванай і пададзенай».

Чытаць па спасылцы 👉 https://spring96.org/be/news/119754

1,860

Вясна / Правы чалавека ў Беларусі

Mar 8, 2026, 02:23 AM

📷 Photo

«Адной дзяўчыне нават давялося самой сабе выдаліць зуб» — якая медычная дапамога ў СІЗА-1

Выклікаць лекара ў СІЗА № 1 было складана, успамінае былая палітзняволеная.

«Часам лекару трэба было даказваць, што табе блага. Аднойчы ў дзяўчыны было атручэнне моцнае, яе ванітавала. Раніцай нам прыйшлося клікаць лекара, бо яна нават устаць не магла, была ўся зялёная. Лекар прыйшоў і пытаецца: "А што не так?" Мы яму тлумачым, а ён: "І што?" Для яго было не відавочным, што ёй быў неабходны пасцельны рэжым. У выніку ён неахвотна яго выпісаў. Але дзяжурная не дазволіла ёй легчы, бо не атрымала дазвол ад лекара, у выніку яшчэ каля гадзіны ёй давялося чакаць, пакуль прыйдзе зноў лекар і дасць дазвол. А па ёй было відаць, што не можа стаяць.

Адной дзяўчыне нават давялося самой сабе выдаліць зуб, бо было немагчыма трапіць да стаматолага».

https://spring96.org/be/news/119744

1,640

Вясна / Правы чалавека ў Беларусі

Mar 8, 2026, 02:23 AM

🎥 Video

Алесь Бяляцкі сустрэўся з расійскім праваабаронцам Алегам Арловым

Сустаршыню расійскага праваабарончага цэнтру «Мемарыял» Алега Арлова ў 2024 годзе асудзілі да 2,5 гадоў пазбаўлення волі. Выбітнага мемарыяльца, які на свае вочы бачыў жахі вайны і больш за 40 гадоў змагаўся за мір, абвінавацілі ў «паўторнай дыскрэдытацыі» войска.

Пазней праваабаронца выйшаў на волю ў выніку абмену паміж ЗША і Расіяй.

Алег Арлоў неаднаразова выказваўся ў падтрымку беларускіх палітвязняў, звяртаючы ўвагу міжнароднай супольнасці на катастрафічную сітуацыю з правамі чалавека ў Беларусі.

7 кастрычніка 2022 году Нобелеўскі камітэт уганараваў прэміяй міру праваабаронцаў з трох краін: Беларусі, Украіны і Расіі. Узнагароду тады атрымалі беларус Алесь Бяляцкі, украінскі Цэнтр грамадзянскіх свабодаў і расійскі праваабарончы цэнтр «Мемарыял», сустаршынёй якога і з'яўляецца Арлоў.

1,640

Вясна / Правы чалавека ў Беларусі

Mar 8, 2026, 02:23 AM

📷 Photo

🌿Былая палітзняволеная Вольга Філатчанкава распавяла пра салідарнасць за кратамі

Пра жаночую салідарнасць у зняволенні былая палітзняволеная кажа: яна існуе, але найперш — паміж палітычнымі.

«Большасць з нас старалася падтрымліваць адна адну і дапамагаць па магчымасці. І нават цяпер, калі шмат хто з нас ужо на волі, мы ўсё роўна падтрымліваем сувязь. Некаторыя жанчыны, з якімі я пазнаёмілася ў СІЗА альбо ў калоніі, цяпер мае сяброўкі назаўсёды».

Захаваць годнасць у сітуацыях прыніжэння жанчыне дапамагалі ўнутраныя ўстаноўкі.

«Калі хтосьці прыніжае чалавека, то гэтым самым прыніжае сам сябе. Гэта ўсё знешняе, галоўнае, не пускаць увесь гэты бруд унутр. Напрыклад, дзеці часцяком абзываюцца адзін на аднаго, але калі на кагосьці сказаць, што ён дурань, ці ператворыцца ён ад гэтага ў дурня, калі такім не быў? Відавочна, што не».

https://spring96.org/be/news/119727

1,690

Вясна / Правы чалавека ў Беларусі

Mar 8, 2026, 02:23 AM

📷 Photo

🗣«Без палітычных і эканамічных санкцый мы засталіся б у турме», — Алесь Бяляцкі

Брытанская газета The Times апублікавала інтэрв’ю з заснавальнікам Праваабарончага цэнтра «Вясна», Лаўрэатам Нобелеўскай прэміі міру і былым палітзняволеным https://prisoners.spring96.org/be/person/ales-bjaljackiy.

Газета нагадвае, што ЗША паступова змякчалі свае гандлёвыя абмежаванні для Беларусі, якую калісьці называлі «апошняй дыктатурай Еўропы», падчас перамоваў, што спрыялі вызваленню Алеся Бяляцкага разам з дзясяткамі іншых палітычных зняволеных.

Аднак самы вядомы праваабаронца краіны перакананы, што Вялікабрытанія і астатняя частка Еўропы не павінны рабіць тое самае.

«Без палітычных і эканамічных санкцый мы засталіся б у турме. Толькі рэзкае пагаршэнне эканамічнага становішча Беларусі ў апошнія месяцы прымусіла ўлады шукаць выйсце. У рэжыму няма палітычных апанентаў, няма дэмакратычных журналістаў. Ён задушыў культурныя і моладзевыя ініцыятывы».

Чытаць па спасылцы 👉 https://spring96.org/be/news/119750

https://storage.googleapis.com/spring96/read.html?page=/be/news/119750

Вясна / Правы чалавека ў Беларусі

Mar 8, 2026, 02:23 AM

📷 Photo

🤯Былы зяць патрабаваў грошы з дачкі беларускі, каб не пісаць на яе палітычны данос

Жанчына ананімна распавяла «Вясне», як былы зяць у адным з райцэнтраў Беларусі пагражаў яе дачцэ перадаць фотаздымкі з мітынгаў у міліцыю.

«Ён патрабаваў грошы за маўчанне. Аднойчы дачка дала яму тысячу беларускіх рублёў. Прайшоў нейкі час — і ён зноў падняў гэтую тэму. Тады я паказала яму яго фота з мітынгаў, бо ён таксама прымаў удзел у пратэстах у 2020-м, а потым "пераабуўся". Пасля гэтага ён сціх. Я яму сказала, што калі яе фота трапяць у міліцыю, то яго таксама там будуць».

https://spring96.org/be/news/119742

1,660

Вясна / Правы чалавека ў Беларусі

Mar 8, 2026, 02:23 AM

📷 Photo

У ШІЗА камеры Паўла Севярынца адмыслова далі «нешчаслівы» нумар 13

У шклоўскай ПК № 17 была магчымасць сустракацца па відэасувязі з евангельскім прапаведнікам. Паўла дапусцілі да рэлігійнага спаткання толькі аднойчы. У гродзенскай турме палітвязню не дазвалялі браць у ШІЗА Новы запавет.

Кантралёры дадаткова правакавалі вернікаў, кажа герой. Маглі, напрыклад, парваць абразок на сцяне ў бытоўцы. «Вам што, царквы мала?» – казалі супрацоўнікі калоніі.

«У ШІЗА быў такі выпадак, што проста і смех і грэх. Мне штодня загадвалі даваць даклад, нібы я сяджу ў камеры № 13, хаця я сядзеў у камеры № 21. Яны думалі, што калі 13 камера, то гэта нешчаслівая лічба і я гэтага неяк спалохаюся. То бок, камеру перайменавалі адмыслова для мяне ў 13. Гэта толькі паказвае іх узровень мыслення».

https://spring96.org/be/news/119692

1,680

Вясна / Правы чалавека ў Беларусі

Mar 8, 2026, 02:23 AM

📷 Photo

«У ШІЗА мяне ўтрымлівалі ў сукупнасці больш за год» — Вікторыя Кульша

«ШІЗА — гэта холад. У ізалятары мяне ўтрымлівалі бясконца. За ўвесь перыяд майго знаходжання ў 24 калоніі, у ШІЗА мяне ўтрымлівалі ў сукупнасці больш за год. У нейкі момант ты проста перастаеш кантраляваць час. Бывала, да мяне падсаджвалі новых жанчын, яны ў мяне пыталіся, колькі я тут знаходжуся. А я нават не ведаю. Час цягнецца і цягнецца. Гадзін няма, календароў няма. Па-мойму, сутак 70 я была без выхаду. У атрадзе я не была практычна ніколі».

За пяць гадоў зняволення Вікторыі разрад швачкі ёй прысвоілі толькі за тры тыдні да вызвалення. Яго можна атрымаць толькі пасля трохмесячнай стажыроўкі. Гэта значыць, што з 2021 года і да пачатку 2025 года Вікторыя не знаходзілася ў атрадзе агулам нават трох месяцаў — увесь час яе адпраўлялі ў ШІЗА або ПКТ, або пераводзілі ў СІЗА дзеля чарговага суда.

https://spring96.org/be/news/119707

1,610

Вясна / Правы чалавека ў Беларусі

Mar 8, 2026, 02:23 AM

📷 Photo

Палітзняволенай Валянціне Навумавай выставілі новыя абвінавачванні

«Гарадзенскай праваабароне» https://hpravy.org/2026/03/06/валянціне-навумавай-выставілі-новыя/, што арыштаванай па крымінальнай справе яшчэ ўвосень 2025 году https://prisoners.spring96.org/be/person/valjancina-navumava, 27 лютага бягучага году былі выстаўлены абвінавачванні па новых артыкулах Крымінальнага кодэксу:
ч. 1 арт. 16 (саўдзел у злачынстве), ч. 3 арт. 130 (распальванне варожасці), ч. 1 і 2 арт. 361-4 КК (садзейнічанне экстрэмісцкай дзейнасці), ч. 2 арт. 367 (паклёп у дачыненні Лукашэнкі).

Валянціна доўгі час была сябрай партыі левых «Справядлівы свет». У 2017 годзе яна была аштрафаная на 15 базавых велічынь паводле адміністрацыйнай справы за ўдзел у акцыі «недармаедаў».

1,610

Showing 30 of 100 posts

Loading posts...

Rating

User Reviews (0)

No reviews yet. Be the first to share your experience!

Loading reviews...

Вясна / Правы чалавека ў Беларусі

Follow @viasna96 to stay updated with the latest viasna_bot and zvarot96 trends and news

Ranking

Global Ranking

#14268

-3

Language Ranking

#64No change

Category Ranking

#511No change

Participant Growth (Last 29 Days)

Total: 9.5K

24h growth: -6 0%

Latest Posts

Вясна / Правы чалавека ў Беларусі

Mar 10, 2026, 09:09 PM

📷 Photo

🗣Паведамляйце праваабаронцам пра сваіх родных, якія ўтрымліваюцца за кратамі па палітычных матывах

Па стане на сёння ў Беларусі прызнаныя палітычнымі вязнямі каля https://prisoners.spring96.org/, агулам жа праваабаронцам вядома пра больш за https://spring96.org/be/news/99638 крымінальных палітычных справаў з 2020-га году. Відавочна, што гэта далёка не ўсе людзі, якія сутыкнуліся з палітычным пераследам у Беларусі за апошнія гады.

❗️Калі нехта з вашых блізкіх ці знаёмых апынуўся за кратамі, але пра іх лёс нічога невядома праваабаронцам, калі ласка, паведамляйце пра гэта «Вясне»: https://t.me/ViasnaSOS, https://t.me/Viasnainfo

📱У мэтах бяспекі, вы можаце перадаць такую інфармацыю праз знаёмых, што знаходзяцца за мяжой.

✍️Дапамажыце зафіксаваць усе факты рэпрэсій, каб паказаць свету маштаб катастрофы з правамі чалавека ў Беларусі!