FORISH TUMANI IIB BOSHLIG’I PODPOLKOVNIK B. A. NAIMOVNING TUMAN AHOLISIGA MUROJAATI
Assalomu alaykum, aziz hamyurtlar!
➡️ So‘nggi yillarda muhtaram Prezidentimiz Mirziyoyev Shavkat Miromonovich rahbarligida “Inson qadri uchun” ezgu g‘oyasi asosida hududlarni ijtimoiy – iqtisodiy rivojlantirish, aholi yashash sharoitlari hamda mahallalar qiyofasini tubdan yaxshilash, aholining muammolarni tezkorlik bilan hal etish, bir so‘z bilan aytganda xalqni rozi qilish borasida tizimli ishlar amalga oshirilmoqda. Shuni ta’kidlash joizki, barcha idora va tashkilotlar hamda xalqimiz bilan birgalikda barcha sohalarda qonuniylikni mustahkamlash, jinoyatchilik va korrupsiyaga qarshi kurashish borasida muayyan ishlar amalga oshirildi. Jumladan, amalga oshirilgan ishlar va ko‘rilgan choralar natijasida tumanimizda o‘tgan 2026-yilning fevral oyi davomida, jami 23 ta jinoyat sodir etilishigi yo‘l qo‘yildi o‘g‘irlik (6 ta), noqonuniy qimor o‘yinlari tashkil qilish (1 ta), noqonuniy qurol saqlash (1 ta), kiberjinoyatlar (11 ta), boshqa turdagi jinoyatlar (4 ta), sodir etildi.
➡️ Bevosita o‘g‘irlik jinoyati fuqarolarning yashash xonadonida chorva mollarini qarovsiz qoldirishlari oqibatida yuzaga kelganligiga aloxida to‘xtalib o‘tmoqchiman.
➡️ Yoshlar o‘rtasida jinoyatchilikning oldini olish uchun har bir ota-ona farzandining ta’lim-tarbiyasiga jiddiy e’tibor qaratishi, bo‘sh vaqtni qanday o‘tkazayotgani bilan muntazam qiziqib borishi lozim.
➡️ Bundan tashqari, ayrim fuqarolarimizning beparvoligi oqibatida o‘zlariga tegishli mol – mulklar, texnika vositalari, chorva mollari yoki uy atroflarini qarovsiz qoldirgani oqibatida o‘g‘rilik jinoyatlari sodir etilishiga imkoniyat yaratib berayotgani ham ayni haqiqat.
➡️ Shuningdek, yo‘llarda avtomashinalar soni kundan-kunga ortib, haydovchilarning mas’uliyatini oshirmoqda.
➡️ Biroq, ayrim haydovchilar yo‘l belgilari, yo‘l qoidalariga rioya etmasdan o‘zboshimchalik bilan tezlikni oshirgani yoki haydovchilik guvohnomasi yo‘q fuqarolarga avtomashinani boshqarishga noqonuniy ruxsat bergani natijasida, o‘lim bilan bog‘liq yo‘l transport hodisalari sodir etilayotganligi ayanchli, albatta !
Hurmatli yurtdoshlar!
➡️ Tumanimizda mas’ul idoralar va keng jamoatchilik bilan hamkorlikda quyidagi yangi tadbirlarni amalga oshirish yo‘lga qo‘yilganini ma’lum qilmoqchiman.
➡️ Jumladan, jinoyatlarning oldini olish, tumanda kriminogen vaziyat barqarorligini ta’minlash bo‘yicha kuchaytirilgan ish tartibi joriy etilgan bo‘lib tunu kun ichki ishlar xodimlari tomonidan xizmat olib borilmoqda.
➡️ Natijada, mazkur tadbirlar kirminogen vaziyatni nazorat qilish, sodir etilgan jinoyatlar bo‘yicha shaxslarni tezkorlik bilan izlab topish hamda jinoyatga jazo muqarrarligi ta’minlashga salmoqli hissa qo‘shmoqda.
Bundan tashqari, sodir etilgan jinoyatlarni har kuni tezkor tahlil qilib, manzilli tadbirlarni belgilash, kunlik so‘rov va nazorat tizimi yo‘lga qo‘yildi.
➡️ Jamiyatda korrupsiyaga qarshi murosasizlik muhitini shakllantirishning barcha choralarini ko‘ramiz.
Aziz vatandoshlar!
➡️ Albatta, tumanimizda jinoyatchilik va korrursiyaning oldini olishda, umuman barcha sohalarda qonuniylikni ta’minlashda, eng avvalo, mahalla ahli, yoshlar va nuroniy tashkilotlar faollariga, turli mehnat jamoalaridagi jonkuyar va vatanparvar insonlarga, ularning amaliy yordami va hamkorligiga tayanamiz.
➡️ Qadrli tumanimiz aholisi! Jinoyatchilikning oldini olishda har birimiz hushyorlikni oshirishimiz, shubhali internet ilovalariga kirmaslik, notanish shaxslarga hisob raqamlar va tasdiqlash kodlarini bermaslik, mol-mulklarni qarovsiz qoldirmaslik lozimligi haqida yana bir bor ogohlantirib o‘tmoqchiman.
➡️ Aziz yurtdoshlar, keling, barchamiz shu yo‘lda muhtaram Prezidentimizga yelkadosh bo‘lib, qonun ustuvor, adolat hukmron bo‘lgan jamiyatni birgalikda barpo etaylik!
👉 Bizni ijtimoiy tarmoqlarda kuzatib boring.
📱
https://t.me/forishtumani / 📨 https://gov.uz/oz/forish / 📱
https://www.facebook.com/profile.php?id=100072938933712 / 📱
https://www.youtube.com/@Forish_tumani_hokimligi
